HOAMATVABUNDN

Gedichte und Geschichten in Salzburger/Flachgauer Mundart

Gedichte und Geschichten in Salzburger/Flachgauer Mundart

WO I DAHOAM BIN

 

Då wo i mi am Bam ånloana kånn und gspier,
dass a Kråft vo eam ausgeht,
då wo a Bachal ruhig dahinmurmelt und a
månchmoi wia zorneg sprudlt und plätschat,
då wo mi de Sunn trickat und i mi
as Grås legn kånn, um mi zu erdn,
då wo i an See schwimma
und ois a gånze eintauchn kånn,
då wo an Winta Millionen kristallane
Stern vom Himme foin,
då wo d’Natur nu a weng wås
vo seina Ursprünglichkeit zoagt,
då wo meine Liabm han, denen i
vatraun kånn und de zo mia hoitn,

då wo mei Herz aufgeht,
DÅ BIN I DAHOAM !

Sprache: Salzburger/Flachgauer Mundart | Malerei Titelbild: Mario Fenninger | Verlag: Eigenverlag

Euro 14,80